Maysa ti nadunor iti napasamak nga aksidente iti national highway sakupen ti Barangay Balaleng, ili ti Bantay.
Ti nagmaneho ti Honda Click motorcycle ket agtawen ti uppat a pulo ket innem, naasawaan ken agnaed ti Barangay Bannuar, ili ti San Juan.
Ti met nagmaneho ti Yamaha Sniper motorcycle ket agtawen ti duapulo ket innem, barbero ken residente ti Cardona, Dolores, Abra.
Agpada nga agpa-amianan dagiti lugan ket idi nadanonda ti nakapasamakan ti insidente, nagsardeng ti Click iti laud a paset ti shoulder lane ti highway tapno agpakannigid idi nadungpar isuna ti sumungad nga Sniper nga adda iti likudanna.
Nagsagaba ti dunor iti saka ti drayber ti Click a dagus a naipan ti balay pagagasan para ti naan-anay a pannakatamingna idinto a saan met a naan-ano ti drayber ti Sniper.
