Posible nga inton Hunyo pay laeng a mangrugi iti trial iti impeachment complaint kontra ken ni Vice President Sara Duterte uray insigida nga ag-convene ti Senado kas impeachment court iti oras a maawat ti Articles of Impeachment manipod iti Kamara.
Segun ken ni Senate President Pro Tempore Panfilo “Ping” Lacson, masapul pay iti tallo a lawas a panagsagana sakbay nga aggaraw iti trial.
Kinunana a karaman kadagiti proseso a kasapulan a pagdalanan ket ti panagipatulod ti summons, panangawat ti sungbat ti depensa ken panangisayangkat ti preliminary conference wenno pre-trial tapno nalawag dagiti isyu a matratar ken ebidensya a maipasango.
Impaganetget ti senador ti kinapateg ti nasapa a pre-trial tapno maliklikan ti pannaka-allilaw kas iti napasamak iti impeachment trial ni dati a Chief Justice Renato Corona.
Kabayatanna, agtaripnong met ti impeachment court no kas bilang mangiruar ti temporary restraining order (TRO) iti Supreme Court of the Philippine tapno ikeddeng no kasano dayta a tignayan.
Impaganetget ni Lacson a ti impeachment court ket maysa a constitutional body ken dagiti desisyonda ket pinal ken saan a mabalin nga yapela.
