Nadundunor dagiti uppat a tattao gapu iti aksidente a nakairamanan ti motorsiklo ken kurong-kurong iti national highway idiay Barangay Sulvec, Narvacan, Ilocos Sur idi kalman, May 1, 2026.
Ti nagmaneho iti kurong-kurong ket lalaki nga agtawen iti innem a pulo, naasawaan, fish vendor ken kaduana a maysa a babai, agtawen iti innem a pulo ket maysa nga agpada nga agnaed idiay Pandan, Caoayan.
Ti met nagmaneho ti Honda PCX ket minaneho ti maysa a babai, agtawen iti duapulo ket innem, maintenance personnel iti Provincial Capitol of Ilocos Sur, addaan ti driver’s license nga agnaed idiay Barangay Cabaroan, Bantay; kaduana ti maysa met laeng a babai nga agtawen iti duapulo ket uppat, awanan ti trabaho nga agnaed idiay Barangay Pantay Daya, Vigan City.
Agpada nga agturong ti bagatan a direksyon dagiti dua a lugan ket idi nadanonda iti nasao a lugar, nagin-innayad ti kurong-kurong ta agsikko iti kannigid tapno mapan koma agdeliver iti ikan iti Cameros Eatery idin impadas ti nakamotorsiklo iti nag-overtake iti kurong-kurong ngem isu metten iti pannakatukbobna.
Gapu dayta ket agpada a nadunor dagiti driver ken pasahero isu a naipanda iti Ilocos Sur District Hospital – Narvacan para iti pannakatamingda.
