3 iti nadunor iti pannakarpuog iti alternative bridge iti Barangay Road idiay Barangay Nalasin, Sto. Domingo idi kalman, May 2, 2026.
Ti nagmaneho iti SinoTruk Ten-wheeler truck ket lalaki nga agtawen iti limapulo ket maysa, naasawaan, addaan ti driver’s license nga agnaed idiay Barangay Naguidayan, Bantay; kadua ti maysa a lalaki nga agtawen iti duapulo ket lima nga agnaed idiay Barangay Pantay Laud, Vigan City.
Ti nagmaneho met iti black rusi motorcycle ket lalaki nga agtawen iti limapulo ket lima, naasawaan nga agnaed idiay Barangay Nagbettedan, Sto. Domingo.
Agpada nga agpapadaya a direksyon dagiti dua a lugan a ti akin-sango ket ti truck ket idi dimmalyasatda iti rangtay ket kellaat lattan a narpuog.
Gapu dayta ket agpada a nadunor dagiti dua a driver ken ti naglugan iti truck isu a naipanda iti Rural Health Unit iti Sto. Domingo para iti pannakatamingda.
Naduktalan iti imbestigasyon a saan nga ingkaskaso ti driver ti truck ti warning device a nakaipan a ti laeng maipalubos a lugan a dumalyasat iti rangtay ket saan a nalablabes iti lima a tonelada.
