--Ads--
Agtaltalinaed pay laeng iti ospital ti drayber ti motorsiklo ken ti pedestrian a nadungparna iti national highway ti Barangay II, Bantay, Ilocos Sur.
Ti Honda Click 125 motorcycle ket minaneho ti agtawen iti sangapulo ket walo, tubo iti ili ti San Emilio ngem agnanaed iti Barangay Balaleng, Bantay.
Ti met pedestrian ket agtawen iti uppat a pulo ket tallo, taga-Barangay Paing.
Iti pannaki-uman ti Bombo Radyo Vigan ken ni Police Captain Donaldson Pagalanan, maob-obserbaran iti ospital dagiti karaman ta ti pedestrian ket saanna a maikuti ti sakana idinto a ti drayber ket agalenna met ti barukongna.
-- ADVERTISEMENT --
Maipalagip nga agdaldalyasat nga agpa-abagatan ti motorsiklo idi bimmallasiw ti pedestrian a puon ti pannakadungparna.
