Umaboten iti limapulo ket dua a barangay ti apektado ti ashfall gapu iti agtultuloy a panagpangato ti aktibidad ti Bulkang Mayon kas pinasingkedan ti Office of Civil Defense.
Segun ti Philippine Institute of Volcanology and Seismology (PHIVOLCS), ti agsasaruno a volcanic activity iti rason iti napuskol a dapo a nangapektar iti agduduma a paset iti Albay.
Idi kalman iti 4:28 iti malem ket naaddaan ti lava collapse iti summit iti bulkan a nag-generate iti pyroclastic density currents pangrunaan idiay Mi-isi Gully iti southwestern slops.
Mapatta-patta nga umabot iti uppat a kilometro iti nairuar a pyroclastic density currents a maibilang a kadakkelanen manipod naudi a panagbettak iti Mayon.
Segun ken ni PHIVOLCS Director Dr. Teresito Bacolcol, agtaltalinaed nga Alert Level 3 ti bulkan, mangipasimudaag ti magmatic unrest ken posibilidad iti napegpeggad a panagbettak.
Nainget a maiparit iti panagturong iti 6 km Permanent Danger Zone (PDZ).
