--Ads--
Namakdaar ti Office of Civil Defense (OCD) ti posible a panagtinnag ti dapo kalpasan a nangiruar ti dapo ti Mayon Volcano sadiay Albay idi Oktubre 26 ti malem.
Segun ti Philippine Institute of Volcanology and Seismology (PHIVOLCS), dimmanon ti ash plume iti 300 a metro manipud iti abut ti bulkan sakbay a naitayab nga agpaamianan-amianan a daya gapu iti angin.
Naala ti panagtinnag ti dapo kadagiti kamera iti Mayon Volcano Observatory sadiay Ligñon Hill, Mayon Rest House ken Ligao Observation Station.
Agtaltalinaed ti Mayon Volcano iti Alert Level 2, idinto a nainget a maiparit ti iseserrek iti innem a kilometro a Permanent Danger Zone gapu iti agtultuloy a peggad ti aktibidad ti bulkan.
-- ADVERTISEMENT --
