Agarup 2,041 nga umili manipud iti 746 a pamilia iti Tabaco City, Camalig ken Ligao City iti Albay ti naibakuit kalpasan ti kalalainganna a panagbettak ti Bulkan Mayon idi Oktubre 30.
Nairekord ti kangatuan a bilang dagiti nagbakwit sadiay Tabaco nga addaan iti 531 a pamilia, idinto a 205 a pamilia ti taga-Camalig ken 10 a pamilia iti Barangay Baligang iti Siudad ti Ligao.
Agtalinaed ti Mayon Volcano iti Alert Level 3 kalpasan ti panagruar iti dapo a dimmanon iti tallo a kilometro ti kangatona, bayat a nairekord met ti baro nga ash emission idi Oktubre 31.
Inwaras ti Provincial Health Office ti 22,000 a surgical mask kadagiti pasilidad ti salun-at ken indagadagna iti publiko a suroten dagiti pakdaar ken liklikan ti innem a kilometro a Permanent Danger Zone.
