--Ads--
Nangipussuak manen iti dapo ti Bulkan Mayon idiay Albay ita a Martes, nga immabot iti kangato ti ash plume-na iti 1,600 a metro ken naiyanod iti abagatan a laud.
Segun iti PHIVOLCS, agtalinaed ti bulkan iti Alert Level 3 isu a nainget pay laeng a maiparit ti iseserrek iti innem a kilometro a danger zone gapu iti pangta ti panagayus ti lava, panagreggaay ti bato ken pyroclastic density currents.
Malagip nga addaan met iti dandani innem a minuto a moderately explosive eruption idi Biernes a nangipussuak iti 3,000 a metro a column ti dapo.
Agtultuloy a mabantayan ti aktibidad ni Mayon kas paset iti panag monitor kadagiti bulkan iti pagilian a masarakan iti Pacific Ring of Fire.
-- ADVERTISEMENT --
