--Ads--
Naisayangkat ti Fourth Quarter Nationwide Simultaneous Earthquake Drill (NSED) tapno mapadas ti kinasagana ti publiko ken dagiti ahensia ti gobierno iti posible a napigsa a gingined ken tsunami.
Tampok iti simulation ti magnitude 8.5 a gingined a maiparang a nagtaud iti East Luzon Trough, a nagsentro iti 180 km iti abagatan a laud ti Santa Ana, Cagayan.
Indaulwan ti Office of Civil Defense (OCD) ti panagsanay idiay Santa Ana, kadua dagiti nadumaduma nga ahensia ti gobierno, uniformed services ken lokal a gobierno.
Gagem ti aktibidad a mapapigsa ti kinasagana, koordinasion ken kabaelan dagiti awtoridad ken komunidad nga agresponde no adda didigra.
-- ADVERTISEMENT --
