Maysa a senior citizen iti nakemmeg gapu iti pananguramna iti kurong-kurong idiay Barangay Ora West, Bantay, Ilocos Sur.
Ti biktima ket agtawen iti tallopulo ket tallo idinto a ti suspek ket ti ulitegna nga agtawen iti innem a pulo nga agpada nga agnaed iti nasao a barangay.
Segun ti Bantay Municipal Police Station, maibasar iti imbestigasyon nga insayangkatda ket nadanon ti biktima ti suspek a betbettaken dagiti bote iti arak a ginatangna ken naipamaga.
Idi nakomprontar ket narurod ti suspek ket dinanogna iti biktima ngem nakalisi ti biktima isu a naawanan ti balanse ti suspek nga isun ti immmadaywan ti biktima.
Dinadael ti suspek ti tangke iti gasolina ken tugaw iti nakaparada a motorsiklo iti biktima nga adda sidecar-na wenno kurong-kurong ken kalpasanna inuramna.
Insigida a nagkiddaw ti tulong ti biktima ken impakaammona iti pasamak kadagiti otoridad a gapuanan ti pannakakemmeg ti suspek.
Iti agdama, nakakustodiya ti suspek kadagiti otoridad para iti nayon na imbestigasyon.
