Nakemmeg dagiti uppat nga indibidual gapu iti agduduma a kaso kalpasan a naiserbi kadakuada ti warrant of arrest.
Nakemmeg ti lalaki nga agtawen iti uppat a pulo, mannalon nga agnaed idiay Barangay Ranget, Tagudin gapu iti kasona nga Attempted Homicide iti salinong ti Article 249 in relation to Article 6 iti Revised Penal Code ken narekomendaran ti pyansa nga aggatad iti P36,000.
Nakemmmeg pay ti maysa a babai, agtawen iti uppat a pulo ket tallo, awanan ti trabaho ken maysa a lalaki nga agtawen iti duapulo ket tallo, awanan trabaho nga agnaed idiay Balaleng Puron, Bantay gapu iti kasoda a Falsification by private individual ken use of Falsified Documents a narekomendaran ti pyansa nga aggatad iti sag-P36,000.
Kabayatanna, idiay Barangay Cabalitucan, Luna, La Union ti nakakemmegan ti maysa a lalaki, agtawen iti tallopulo ket pito, construction worker nga agnaed idiay Barangay Garitan, Tagudin gapu iti kasona a Theft ken narekomendaran iti pyansa nga aggatad iti P6,000.
Dagiti nasao nga akusado ket addan iti kustodiya dagiti maseknan a police station tapno dumalan iti husto a proseso.
