Maysa a lalaki iti nakemmeg ken naalaan iti nasurok P6,400 a gatad iti maatap a shabu iti naisayangkat a buy-bust operation idiay Barangay Buquig, Bantay, Ilocos Sur idi kalman, August 2, 2026.
Ti suspek ket agtawen iti uppat a pulo nga agnaed iti nasao met laeng iti nasao nga ili.
Iti pannaki-uman ti Bombo Radyo Vigan ken ni PLt. Ronie Corpuz iti Bantay Municipal Police Station, naipakaammo iti illegal nga aktibidad ti suspek isu a namonitor ket nakumpirmaran dagiti otoridad nga agilaklako iti maiparit nga agas.
Segun ken ni Corpuz, ti naala a drug evidence manipod ti suspek ket maysa a piraso iti small heat-sealed transparent plastic sachet a naglaon iti mapapati a shabu a nagserbi a buy-bust item ken dua a piraso iti small heat-sealed transparent plastic sachet a naglaon iti mapapati a shabu (possession) nga agdagsen iti 0.95 a gramo ken aggatad iti P6,460.
Dagiti naala a non-drug evidence ket maysa a piraso iti genuine P1,000 a nagserbi a buy-bust money, maysa a box iti sigarilyo, maysa a cellphone ken maysa a Black Rusi motorcycle.
