Tallo a lugan ti karaman iti napasamak nga aksidente iti national highway sakupen ti Barangay Guimod, Bantay Ilocos Sur.
Ti nagmaneho ti Toyota vios ket agtawen iti limapulo ket dua, mangisursuro ken residente iti Barangay Danuman West, Santa Maria.
Ti met driver ti Toyota Wigo ket agtawen iti tallopulo ket maysa, residente iti San Vicente, Magsingal.
Kabayatanna, ti nagmaneho ti truck ket maysa nga agtawen iti tallopulo ket dua, residente iti Pangasinan.
Basar iti CCTV footage, agpapada nga agpapa-abagatan dagiti tallo a lugan ket idi nadanon da ti nakapasamakan ti insidente, nagsardeng ti Vios ken Wigo isu a nadungpar ti sumarsaruno a truck ti Wigo, ket gapu dayta nadungpar met ti Wigo iti Vios.
Nakarikna ti driver ti Wigo ti panagsakit iti bukot na ken dagiti kakadua na iti lugan ket nakarikna da met ti panagsakit iti nadumaduma a paset ti bagi da nga agpapada a naipan iti balay pagagasan para ti naan-anay a pannakataming da.
Saan a nadangran ti nagmaneho ti Vios ken truck iti napasamak nga insidente.
