Datin nga adda susik dagiti aguliteg iti napasamak a pananguram iti kurong-kurong iti Barangay Ora West, Bantay, Ilocos Sur.
Ti biktima ket agtawen iti tallopulo ket tallo idinto a ti suspek ket ti ulitegna nga agtawen iti innem a pulo nga agpada nga agnaed iti nasao a barangay.
Iti pannaki-uman ti Bombo Radyo Vigan ken ni Police Captain Donaldson Pagalanan, saanen nga ituloy ti biktima nga idarum ti ulitegna gapu ta nakaro ti pannakadunor iti ulo ti suspek idi nairamudom idi linisyan ti biktima ti danogna.
Maipalagip a sakbay a napasamak ti insidente ket nadanonan ti biktima ti suspek nga agipetpettak kadagiti dinalusanna a bote isu a sinangatna.
Dinanog met ti suspek ti biktima ngem nakalisi isu a naawanan iti balanse ket naidarumudom ti suspek.
Gapu dayta, ti kurong-kurong ti nagpapasan ti suspek iti pungtotna isu a dinadaelna ti tangke iti gasolina ken tugawna sakbay nga inuramna.
