VIGAN -Uppat a lugan iti dinungpar ti maysa a Honda Civic a minaneho ni PO3 Cesario Benzon Jr., agtawen iti 40 a miembro iti Ilocos Sur Police Provincial Office idiay iti Poblacion, Vacunero ken Parada , Sto. Domingo.
Dagiti nairaman a lugan ket ti Toyota Innova a minaneho ni Jerome Tabalanza, agtawen iti 29, baro, attendant iti maysa a paggasolinaan; Mitsubishi L300 pick up a minaneho ni Christopher Maing- , agtawen iti 36, baro , agpadada a Taga Santa Monica , Magsingal , Honda TMX tricycle, a kukua ni Nicandro Teodoro, agtawen iti 42 a taga Barangay Nalasin, Sto. Domingo ken ti maysa nga Isuzu trailer a minaneho ni Jackson Gallardo , agtawen iti 54 a taga Lipangpang, Puzurrubio, Pangasinan.
Segun iti imbestigasyon ti PNP- Sto. Domingo , saan a nakarkulo ni Benzon ti panangobertek iti Innova ket nasapgid na daytoy ngem iti panangliklik na ti aksidente, nadungpar na manen ti maysa a mitsubishi iti parte ti Parada ngem linibasan na manen a nakadungparan na iti maysa a tricycle ken trailer idiay Poblacion iti nasao nga ili.
Agsipud ta naglibas latta ni benzon, nacheckpoint idiay camestizuan, santo domingo.
Maibasar iti panagsasarita dagiti maseknan, sungbatan amin ni Benzon dagiti damages dagiti lugan a nadungpar na.
