--Ads--
Insingasing ni Senador Chiz Escudero a maaramat para iti ayuda ti sobra a koleksion iti value-added tax para kadagiti sektor a nakaro a naapektaran iti panagpangina ti presio ti produkto-petrolyo.
Segun ken ni Escudero, saan a planado wenno nagrigatan ti ‘windfall’ iti VAT ken ngimmato laeng ti koleksion ditoy gapu iti ngimmina a presio ti langis.
Para iti senador, nasaysayaat a maisubli kadagiti kangrunaan nga apektado a sektor ti sobra a koleksion iti VAT kas tulong ken saan nga itrato a nayon a pastrek ti gobierno.
Saan pay a nasken nga agbalin a negosiante ti gobierno ken mairaman iti profiteering gapu iti nangina a presio.
-- ADVERTISEMENT --
