--Ads--

Natakuatan ni Bangsamoro Education Minister Naguib Sinarimbo ti 1,304 a nadadael a tablet ken nasurok a 1,000 a desktop computer a saan a naiwaras kadagiti pagadalan bayat ti inspeksion a naisayangkat iti opisinana.

Nasarakan met iti bodega dagiti libro, school supplies ken dadduma pay nga alikamen a sumagmamano a tawenen a nakatengga ken dadduma ti nadadael sakbay a mausar dagitoy.

Kinumpirmaran pay ni Sinarimbo a sumagmamano nga empleado ti nairaman iti anolamia kalpasan a nagreklamo dagiti estudyante a saanda a naawat ti scholarship-da.

Imbilinna ti imbestigasion ken panagsungbat dagiti nairaman, pakairamanan ti pannakaipatungpal ti zero-tolerance policy kontra iti aniaman a kita ti kurapsion iti Ministry of Basic, Higher and Technical Education (MBHTE).

-- ADVERTISEMENT --