--Ads--
Pinainget ti Philippine National Police dagiti police patrol kadagiti shopping area, transport hubs, ken natao a lugar kas panagsagana iti panaglukat ti baro nga school year ita a bulan.
Segun iti PNP, gagem ti addang a masigurado ti kinatalged ti publiko, nangruna dagiti estudiante ken nagannak a masansan a mapan kadagiti mall ken commercial centers nga aggatang kadagiti school supply ken dadduma pay a kasapulan.
Maideploy pay dagiti pulis kadagiti natao a lugar tapno maliklikan dagiti krimen kas ti panagatkaw, pananglimlimo, ken dadduma pay nga street crime.
Makikamkammayet ti PNP kadagiti mall operator, barangay official, ken local government unit para iti naur-urnos a pannakaipakat ti seguridad ken napaspas a responde kadagiti insidente.
-- ADVERTISEMENT --
