--Ads--

Nagpirma ni Presidente Ferdinand Marcos Jr. iti katulagan iti Ming Yang Smart Energy ti China tapno mapapigsa ti offshore wind energy infrastructure ken mapabassit ti panagpannuray ti Pilipinas iti imported fuel.

Nagsarita da Marcos ken Ming Yang Chairman Zhang Chuanwei dagiti plano a panagpuonan kadagiti proyekto ti enerhia ti angin, pakairamanan ti pannakaibangon ti operations and maintenance (O&M) center iti pagilian.

Intantandudo ti Presidente ti teknolohia a makalapped iti napigsa a bagyo ken manamnama a makatulong a mangpadur-as iti industria ti renewable energy ken mangpataud iti panggedan.

Mapattapatta a nasurok a 178 gigawatts (GW) ti potensial ti enerhia ti angin iti baybay ti Pilipinas, ngem nasurok laeng a 500 megawatts (MW) ti agdama a naikabil a kapasidadna ken agarup maysa a porsiento iti dagup a suplay ti kuryente.

-- ADVERTISEMENT --