--Ads--

Binilin ni Presidente Ferdinand Marcos Jr. ti Department of Transportation (DOTr) ken ti Toll Regulatory Board (TRB) nga agsagana para iti pannakaipatungpal ti barrier-less toll collection kadagiti amin nga expressway sakbay ti panaggibus ti tawen.

Binilin met ni Transportation Secretary Vince Dizon dagiti tollway operators nga agsagana para iti pilot testing ti sistema inton Disiembre tapno mapapartak ti panagdaliasat dagiti motorista ken maksayan ti panagkipet kadagiti toll plaza.

Nabilin pay dagiti operator a palawaenda ti panagusar iti radio frequency identification (RFID), electronic toll collection ken automated license plate recognition cameras tapno maipatungpal ti sistema.

Panggep ti proyekto a makasalbar iti panawen ken gasolina dagiti motorista ken mangkissay iti carbon emissions, ngem saan pay a naikeddeng no ania nga expressway ti umuna a maidalan iti pilot testing.

-- ADVERTISEMENT --