
Inlawlawag ni Armed Forces of the Philippines (AFP) spokesperson Col. Francel Padilla dagiti panagbalbaliw iti 10th AFP Joint Exercise Dagat, Langit at Lupa (AJEX Dagitpa) a panggepna a pagkaykaysaen ti kabaelan dagiti nadumaduma a sanga ti militar.
Segun ken ni Padilla, karaman kadagiti panagbalbaliw ti panangsubok kadagiti baro a moderno nga alikamen ti militar ken panagsanay iti umiso a pannakausar dagitoy iti nadumaduma a kasasaad.
Naitampok pay iti ehersisio ti pannakausar dagiti shore-based anti-ship missile systems ken koordinasion dagiti puersa iti operasion iti daga, tangatang ken baybay.
Karaman pay kadagiti aktibidad ti cyber operations, information operations, civic action ken humanitarian assistance, ken disaster response tapno masubok ti kabaelan ti militar iti nadumaduma nga operasion.
Innayon pay ni Padilla a makikoordinar ti militar kadagiti lokal a gobierno sakbay nga agi-deploy tapno masigurado ti kinatalged dagiti umili kadagiti lugar a pakaangayan ti operasion.
Impeksana a napateg ti koordinasion kadagiti lokal a gobierno iti pannakaisayangkat ti civic action ken dadduma pay nga aktibidad a makatulong kadagiti komunidad.










