--Ads--

Imbingay ni Presidente Ferdinand Marcos Jr. ti resulta ti itatabunona iti maika-33 nga Asia-Pacific Economic Cooperation (APEC) Economic Leaders’ Meeting sadiay Shenzhen, China, pakairamanan ti pannakaitandudo ti nawaya a panagtagilako ken natalged a suplay ti taraon.

Indagadag ti Presidente kadagiti pagilian a kameng ti APEC a bigbigenda ti edukasion ken propesional a kualipikasion dagiti Pilipino tapno mapasimple ti panagtrabahoda iti ballasiw-taaw.

Intandudo pay ni Marcos ti suporta para kadagiti micro, small and medium enterprises (MSMEs), job creation ken pananglukat kadagiti baro a merkado para kadagiti produkto ti Pilipino.

Nasiguro ti Pilipinas ti P41.1-bilion nga investment pledges manipud kadagiti kompania ti China a manamnama a mangpataud iti nasurok a 7,000 a panggedan, kagiddan ti katulagan ti panagtagilako ti Pilipinas ken Chile.

-- ADVERTISEMENT --