
Pinasingkedan ni House prosecution spokesperson ken Lanao del Sur 1st District Representative Zia Alonto Adiong a paset ti pagrebengan ti prosekusyon ti panangusig iti tree-planting activities ni Bise Presidente Sara Duterte ken ti posible a relasion na iti Cale88 Foods Corporation.
Kasaruno daytoy ti panang kontra ti Office of the Vice President (OVP) iti mapapati a gandat a mangi konektar iti tree-planting activities ti bise presidente iti requirement ti Board of Investments (BOI) para iti Cale88.
Maipalagip a bayat ti impeachment trial idi November 20, impakita ti prosekusyon dagiti ladawan ni Duterte nga agmulmula iti kayo ken dinamag da iti maysa nga opisial ti DTI no mainaig daytoy iti obligasion ti Cale88 a mangi mula iti di kumurang a 100 a kayo ti kabakiran.
Inlawlawag ti OVP a ti gannuat da iti daytoy nga aktibidad ket panangsalaknib iti aglawlaw nga addaan ti tema a “Pagbabago: A Million Trees Campaign” a nagrugi idi Marso 2023 kas suporta kadagiti programa kontra iti climate change.










