
Nagyaman ni Naga City Mayor Leni Robredo kadagiti umili iti suportada kalpasan a nakagun-od iti 82% a ‘Wen a butos iti plebisito tapno agbalin ti Naga a Highly Urbanized City.
Dinayaw ni Robredo dagiti kapitan ti barangay ken kameng ti city hall iti panangikagumaanda a mangilawlawag iti publiko iti kinapateg ti plebesito iti laksid ti makabulan a panagsagana.
Impaganetget ti mayor ti demokratiko a proseso iti siudad, no sadino ket nawaya latta dagiti nagbutos ti ‘Saan’ nga agkampania.
Inladawan ni Robredo ti resulta a kas dakkel a balligi ken kinunana a sumsumrek ti siudad iti baro a paset ti panagdur-as.
Nagyaman pay ni Robredo iti tulong ti Commission on Elections (COMELEC) iti panangisayangkat ti information drives sadiay Bicol tapno mailawlawag kadagiti umili ti kinapateg ti plebesito.
Binigbig pay ti mayor ti maikatlo a panagbisita ti Comelec chairman ken commissioners iti siudad ken kinunana a namnamaenna a maipakitada kadagiti amin a Nagueños ti kinapateg ti pannakabigbigda kas Highly Urbanized City.








