Inaprubaran ti Commission on Elections ti kiddaw ni Naga City Mayor Leni Robredo nga igiddan iti Barangay ken Sangguniang Kabataan Elections inton Nobiembre 2, 2026 ti plebisito para iti ratipikasion ti panagbalin nga highly urbanized city ti Naga City.
Segun iti Comelec ken iti lokal a gobierno ti Naga, gagem ti panangisabay ti plebisito iti BSKE a mapangato ti voter turnout ken maikkatan ti gastos ti gobierno.
Pinasingkedan ni Robredo nga umabot iti nasurok-kumurang P50 milyon ti kasapulan a pondo no maisina a maisayangkat ti plebisito ngem no maisabay daytoy iti BSKE ket mapatta-patta a P20 agingga P25 milyon laeng ti magastos.
Mamati pay ti Comelec ken ti mayor nga ad-adu dagiti dumar-ay iti plebisito gapu ta manamnama nga adu a botante ti agawid iti Naga City para iti eleksion.
