Agtalinaed iti lima a tawen ti termino dagiti opisial ti Barangay ken Sangguniang Kabataan kalpasan a pinatibker ti Korte Suprema ti constitutionality ti linteg a mangiyatiddog ti panagserbi-da.
Imbasura ti Supreme Court ti petision nga impila ni election lawyer Atty. Romulo Macalintal kontra iti Republic Act No. 12326, a mang-amyendar iti dati nga uppat a tawen a termino dagiti nabotosan nga opisial ti barangay ken SK.
Iti decision nga insurat ni Associate Justice Rodil Zalameda, inlawlawag ti korte a ti nadakamat a linteg ket mangituding ti kaatiddog ti panagserbi dagiti opisial ken saan laeng a ti panangitantan ti eleksion.
Gapu daytoy, inton Nobiembre 2028 a mapasamaak ti sumaruno a Barangay ken SK election, kalpasan daytoy ket kada lima a tawen ton a maisayangkat dagiti sumarsaruno nga eleksion.
