--Ads--
Nagbalaag ti Commission on Elections (Comelec) iti publiko kontra iti agwarwaras a social media post a mangibagbaga a matuloy inton Disiembre 2026 ti Barangay and Sangguniang Kabataan Elections (BSKE).
Segun iti Comelec, fake news ti post a mangibagbaga a nangrugi pay ti panangipila ti certificate of candidacy (COC) idi Oktubre 26.
Inlawlawag ti poll body nga awan ti BSKE a mapasamak ita a tawen iti salinong ti linteg ken awan pay ti filing ti COCs ita a bulan ti Oktubre.
Immunan nga insardeng ti Comelec dagiti panagsagana para iti BSKE kalpasan a napermaan ti Republic Act No. 12326, a nangituding iti sumaruno a barangay ken SK elections iti maikadua a lunes ti Nobiembre 2028.
-- ADVERTISEMENT --
