--Ads--

Imbingay ni Commission on Elections (COMELEC) Chairman George Erwin Garcia a nasurok a 100,000 ti bilang dagiti baro a botante a nagrehistro manipud iti panaglukat manen ti registration dagiti botante idi Nobiembre 10.

Target ti COMELEC a madanon ti 150,000 a baro a botante iti ababa a panawen, a maipangpangruna dagiti adda iti vulnerable sectors tapno masigurado ti gundawayda nga agbutos.

Pinasingkedan ni Garcia a saan a dagus a naproseso ti sumagmamano nga aplikante gapu iti kaadu dagiti napan kadagiti opisina ti COMELEC, ngem in-inut a marisut ti problema iti panagpila ken panagrehistro.

Impasigurado pay ti COMELEC a libre ti panagrehistro dagiti baro a botante kadagiti amin a kangrunaan nga opisina ken field office-na iti intero a pagilian.

-- ADVERTISEMENT --