
--Ads--
Pinasingkedan ni Philippine National Police (PNP) Public Information Office (PIO) chief PBGen. Allen Rae Co a naikkaten ti lisensia ti paltog ti maysa a negosiante idiay Bulacan kalpasan a naireport daytoy gapu iti awan sarday a panagpaltogna.
Segun ken ni Co, naawat ti hepe ti Firearms and Explosives Office (FEO) ti report idi Nobiembre 15, a nangituggod ti imbestigasion iti nasao nga insidente.
Kagiddan a naikkat met ti Certificate of Registration ken dadduma pay a lisensia dagiti rehistrado a paltog iti nagan ti negosiante.
Innayon pay ni Co a mabalin a naala idi napan a tawen ti video ti pammaltog a maiwarwaras, ngem imbestigaran pay laeng dagiti polis ti nagtaudan ken petsa daytoy.
-- ADVERTISEMENT --









