Impaganetget ni Philippine National Police (PNP) Chief Gen. Jose Melencio Nartatez Jr. a saan laeng a dagiti kameng ti Association of Southeast Asian Nations (ASEAN) no saan ketdi ti sibubukel a lubong ti mangbuya iti Pilipinas kas mangsangaili iti maika-49 nga ASEAN Summit.
Imbingay pay ni Nartatez ti kablaawna kadagiti security forces nga addaan iti napateg nga akem iti pannakataginayon ti talna ken urnos bayat dagiti aktibidad a mainaig iti summit.
Immuna a naisayangkat dagiti aktibidad iti Visayas Region, partikular iti Bohol ken Cebu, a nangipakitaan dagiti security personnel iti kinasaganada.
Impasigurado ni Nartatez nga agtultuloy ti panagsagana dagiti security forces tapno masigurado ti naannayas ken natalged a pannakaisayangkat dagiti masanguanan nga aktibidades.
