--Ads--
Impasigurado ni Philippine National Police (PNP) Chief Gen. Jose Melencio Nartatez Jr. a nakasagana ti pulisia kas kameng ti Community and Service-Oriented Policing (CSOP) tapno masigurado a natalged, natalna ken naurnos dagiti aktibidad a mainaig iti 49th Association of Southeast Asian Nations (ASEAN) Summit.
Segun kenni Nartatez, dandani makatawenen nga agsagsagana ti PNP para iti nadakamat a panagtitipon ken dadduma pay a mainaig nga aktibidad.
Innayonna pay nga agdagup iti 639 nga aktibidad ti naituding a maaramid, a dua a kakatlo kadagitoy ti nalpasen ken 159 laeng ti nabati pay.
Manamnama a ti maikatlo a lawas ti Nobiembre ti kangrunaan a paset ti panagsagana inton maangay ti summit a mismo ken dagiti mainaig nga aktibidad.
-- ADVERTISEMENT --
