Rabiya Mateo, inlawlawagna a timmulong laeng iti nagbasaanna iti elementarya ket saan nga agpaidasig para iti eleksyon

Inlawlawag ni Rabiya Mateo a saan a tumaray iti eleksyon kagiddan iti panagtulongna iti public school a nagadalanna.

Imbingay ni Rabiya dagiti ladawan iti panagsublina iti Balasan Central Elementary School tapno agiwaras iti school supplies ken taraon.

Umabot iti 250 sets iti school supplies, bags ken packed meals iti naiwarasna kadagiti estudyante iti dati a pagadalanna.

Nagyaman ti beauty queen kadagiti gagayyemna ken ti nobyona a ni Jake Cuenca a timmulong kenkuana iti nasao a programa.

Inlawlawagna met a ti panagtulongna ket saan a para iti eleksyon no diketdi simple a panangibingayna iti blessings a maaw-awatna.