Imbilin ni Presidente Ferdinand Marcos Jr. ti panangiruar ti nayon a P8.68 bilyon a pondo para iti Department of Education.
Daytoy ket tapno suportaran ti agtultuloy a panangipatungpal ti Expanded Career Progression (ECP) System para kadagiti personnel dagiti pampubliko a pagadalan iti intero a pagilian.
Segun ken ni Palace Press Officer USec. Claire Castro, ti nayon a pondo nga iyir-ruar ti Department of Budget and Management (DBM) iti salinong ni Acting Secretary Kim Robert de Leon ket paset iti agtultuloy a tignay ti administrasion Marcos a bigbigen ti kapadasan, kabaelan ken propesional a panagdur-as dagiti opisial ti sektor ti edukasion.
Mapatta-patta a nasurok93, 344 personnel ti papmpubliko a pagadalan iti Pilipinas ti magunggonaan iti nadakamat a pondo.
