Nangiruar ti Department of Education iti baro a guidelines para iti work immersion program dagiti senior high school student tapno maisagana ida iti trabaho kalpasan ti Grade 12.
Iti salinong ti DepEd Order No. 023, Series of 2026, agbalin a mandatory ti 320 agingga 640 nga oras a work immersion para kadagiti estudiante iti Technical-Professional Track, idinto nga optional met para iti Academic Track.
Makitinnulong ti DepEd kadagiti pribado a kompania, lokal a gobierno ken ahensia ti gobierno tapno maikkan iti aktwal a kapadasan ken posible nga employment opportunities dagiti agad-adal.
Maipatungpal dagiti baro a guidelines kadagiti napili a pampubliko ken pribado a pagadalan iti School Year 2026-2027 sakbay a mapalawa iti sabali pay a senior high school inton 2027.
