--Ads--

Naipabuya sadiay Malacañang idi Nobiembre 19 dagiti parol nga inaramid dagiti estudyante iti Grade 7 agingga 12 a nausar dagiti lokal a materiales kas iti capiz, shell, abaka ken coconut shells.

Inorganisar ti Office of the President ken Department of Education (DepEd) ti maikalima a National Parol-Making Competition nga addaan iti tema a “Kabataang Pilipino: Tanglaw ng Pag-asa.”

Ti nasao a pasalip ket nangipaay iti P1 milion para iti kampeon, P500,000 para iti maikadua a puesto ken P300,000 para iti maikatlo a puesto, agraman dagiti laptop ken cellphone para kadagiti nangabak nga estudyante.

Maawis ti top three schools iti Malakanyang inton Nobiembre 28 para iti Christmas Tree Lighting ken awarding ceremony, idinto a maipabuya ti amin a makipaset a parol iti Palasio ken The Mansion idiay siudad ti Baguio.

-- ADVERTISEMENT --