Impasigurado ni lead prosecutor ken Batangas Rep. Gerville Luistro nga agtultuloy ti imbestigasyon kadagiti opisial ti Department of Education ken Office of the Vice President a sumangsango iti alegasion ti saan a husto a pannakaaramat ti confidential funds ken pasuksok, uray no naikkaten ti tallo nga articles of impeachment kontra ken ni Bise Presidente Sara Duterte.
Segun ken ni Luistro, sipud pay idi 2024 ti imbestigasyon ti Office of the Ombudsman dagiti alegasion ket mabalin nga agtungpal daytoy iti kriminal wenno civil charges depende iti resulta.
Nakasagana met ti prosecution a mangipasa iti Ombudsman kadagiti dokumento ken ebidensia a naurnong bayat ti Chamber hearings tapno makatulong iti imbestigasion.
Kabayatanna, agsina ti panangdengngeg iti Quezon City Regional Trial Court ti kaso a grave threats kontra ken ni Duterte mainaig kadagiti statements na idi Nobiembre 2024 kontra ken ni Presidente Ferdinand Marcos Jr. ken dadduma pay nga opisial.
