--Ads--

Impaganetget ni DepEd Vigan City Division Legal Officer Atty. Kim Tagorda ti kinapateg ti official complaint no adda dagiti reklamo kontra kadagiti pagadalan.

Segun ken ni Atty. Tagorda, kapatang ken damagenda a nasayaat ti complainant no sisasaganada met laeng kadi a mangipila iti reklamo, ket no bilang ta umannugotda, masapul laeng a kumpletwenda dagiti requirement kas ti written complaint agraman ti affidavit dagiti witness.

No met mabuteng ti maysa a complainant nga agidarum, mabalin a maaramid ti moto propio, ket mismon a ti DepEd ti mangipila iti darum ken agimbestigar.

Dagiti pannusa a mabalin a sangwen ti maysa nga opisial ti pagadalan a napaneknekan nga adda nagbasulanna ket ti verbal/written reprimand, suspension without pay iti uneg ti innem a bulan ken dismissal.

-- ADVERTISEMENT --

Malaksid dayta, nagpalagip pay ti abogado kadagiti pagadalan a saanda a mabalin nga agkolekta iti kontribusion nga awan ti proper permit.