--Ads--
Pinasingkedan ni Education Secretary Sonny Angara a ti pannaka itandudo dagiti opisyales ken empleyado ti Department of Education wenno DepEd ket maibasar iti performance ken kontribusion iti publiko, ken saan nga iti koneksion iti politika.
Segun ken ni Angara, rumbeng a maited ti pammigbig ken gundaway kadagiti staff a mangipakpakita iti nasayaat ken napudno a serbisio publiko.
Impaganetget na pay nga awan ti lugar iti DepEd a pakausaran dagiti backer wenno koneksion iti politika tapno makaala iti promosion.
Panggep daytoy a patakaran a mapapigsa ti propesionalismo iti departamento ken masigurado ti de kalidad nga edukasion para kadagiti estudiante iti intero a pagilian.
-- ADVERTISEMENT --
