Pinasingkedan ni Education Secretary Sonny Angara ti agtultuloy a panangitandudo ti pagsasao a Filipino kasta met dagiti lokal ken rehiyonal a pagsasao iti pagilian, kagiddan ti selebrasion ti maika-90 nga anibersaryo ti Komisyon sa Wikang Filipino (KWF).
Segun ken ni Angara, paset dagiti addang ti Department of Education ti panangpa-adu dagiti libro a nai-transalte iti agduduma a pagsasao tapno ad-adu a Pilipino ti maaddaan ti gundaway nga agbasa ken makasursuro babaen iti pagsasao a maawatanda.
Maisaysayangkat dagituy babaen dagiti programa ti gobierno iti pannakapa-adda ti libro, kadua ti National Book Development Board ken dadduma pay nga ahensia a nakaipasidong iti DepEd.
Gagaem pay dagiti programa tapno maallukoy dagiti Pilipino, kangrunaan dagiti agtutubo, a maaddaan ti interes iti panagbasa bayat a masalwadan ti bukod a pagsasao ken kultura.
