Dead on arrival iti ospital ti maysa a mangngalap kalpasan iti pannakalmesna iti kabaybayan a paset idiay Barangay Camindoroan, San Juan, Ilocos Sur.
Ti biktima ket agtawen iti limapulo ket uppat, naasawaan nga agnaed iti nasao a lugar.
Nakaawat ti pakaammo ti San Juan Municipal Police Station maipanggep ti nalmes iti nasao a kabaybayan isu nga insigida a nagresponde dagiti otoridad ken nangisayangkat iti imbestigasyon.
Naammoan a ti biktima ket adda iti impluwensya iti arak idi napan nagdigos iti kabyabyan tapno mamunawan ngem kalpasan iti sumagmamano a minutos ket nakita laengen a tumtumpaw babaen kadagiti kabagyanna.
Naipan ti biktima iti Pira Clinic and Hospital, Cabugao ngem saanen a nakalasat pay.
No pay kasta ket awan met iti senyales iti foul play ti pannakatay ti biktima.
