Agpada a nadunor dagiti nagmaneho iti motorsiklo ken kurong-kurong iti aksidente a napasamak iti national highway idiay Barangay Catayagan, Sta. Lucia, Ilocos Sur.
Ti nagmaneho iti Honda Click 125 motorcycle ket lalaki nga agtawen iti tallopulo, account officer iti maysa a microfinance nga agnaed idiay Barangay Caparian, Sta. Cruz idinto a ti nagmaneho iti kurong-kurong ket lalaki nga agtawen iti tallopulo ket innem, salesman nga agnaed idiay Barangay Patpata 1st, Candon City.
Agpapaamianan a direksyon ti motorsiklo ket idi nadanonna iti nasao a lugar, simrek ti kurong-kurong iti national highway manipod laud nga agturong iti daya ngem isu metten iti panangtukbob iti motorsiklo iti kurong-kurong a gappuanan iti agpada a nakadunoran dagiti driver.
Naipanda iti Ilocos Sur District Hospital. Sta. Lucia para iti pannakatamingda.
