--Ads--
Rinibo a mangmangged iti Iran ti naawanan iti trabaho gapu iti agtultuloy a rinnupak iti nagbaetan ti Iran kontra Amerika ken Israel a nangrugi idi Pebrero 28, 2026.
Nangitunda ti krisis iti pannakaisardeng ti operasion dagiti kangrunaan nga industria, panagkapsut ti ekonomia ken nakaro a rigat para kadagiti gagangay nga Iranian.
Dagiti kangrunaan a sektor ti ekonomia ti Iran kas ti petrochemical plants iti Mahshahr ken South Pars, agraman dagiti pasilidad ti landok, ket nakapadas iti pannakaisardeng ti produksyon gapu kadagiti airstrike, ket nasurok 30,000 nga empleado iti industria ti petrochemical ti naapektaran.
