--Ads--
Maisayangkat inton sumaruno a lawas iti Ilocos Sur ti National Convention ti Philippine Pharmacist Association.
Iti pannaki-uman ti Bombo Radyo Vigan ken ni Judielyn Hidalgo a presidente iti Ilocos Sur-Abra chapter iti pharmacist, dumar-ay dagiti pharmacist iti intero a pagilian iti probinsia.
Segun ken ni Hidalgo, 2,200 delegates iti manamnama a dumar-ay a kaaddoan ket pharmacist, ken dagiti dadduma ket drug store owner, empleado kadagiti ospital, industriya ken manufacturing.
Kabayatanna, iti baet iti ngimmina a presyo ti produkto petrolyo ket inlawlawag ni Hidalgo nga awan ti nagbaliwan ti presyo dagiti agas iti agdama ta adda bilin ti Food and Drug Administration a saan a rumbeng nga agpangina agingga Hunyo iti agdama a tawen.
-- ADVERTISEMENT --
