Street Level Individual, nakemmeg iti buy-bust operation

Nakemmeg ti maysa nga Street Level Individual iti naiwayat a buy-bust operation iti Candon City, Ilocos Sur.

Ti suspek ket agtawen iti limapulo ket uppat, agnaed iti ili ti Sta. Lucia.

Nakumpiskar kenkuana ti nasurok-kumurang 5.26 grams ti mapapati a shabu nga aggatad iti P35,768 a naikabil iti 2 a heat-sealed transparent plastic sachet ken maysa a nalukatan a transparent plastic sachet a naglaon iti small heat-sealed transparent plastic sachet a nagserbi kas buy-bust item ken ikotna.

Dagiti non-drug evidence ket pakairamanan ti maysa a genuine P500 a buy-bust money, lighter, pitaka, cellphone, motorsiklo, ken driver’s license.

Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.