--Ads--
Inlawlawag ni Ilocos Sur Governor Jeremias “Jerry” Singson nga awan pay iti naawat ti opisinana maipanggep iti maibagbaga a kaso a naipila iti Office of the Ombudsman.
Iti pannaki-uman ti Bombo Radyo Vigan ken ni Gov. Singson, awan pay ti ammona maipanggep iti nasao a banag ngem no addanto iti maipatulod ket dagusda a tignayan.
Segun ken ni Gov. Singson, apaman a dumanon kadakuada ti nasao a kaso ket sumungbatda kadagiti rebbeng a masungbatan.
Impaganetgetna a transparent ken nadalus iti administrasyonna ngem siasinoman nga agipila iti reklamona ket siwawayada latta a mangipatulod ta sungbatanda latta.
-- ADVERTISEMENT --
Iti agdama ket ituloyna latta iti trabahona ta awan met ti madi nga ar-aramidenna.
