--Ads--

Addan iti maudi a tukad ti panagsagana para iti masungad a selebrasion ti Christ the King wenno Cristo Ari, nga umabot iti 10,000 a bisita ti manamnama a sumarungkar ken makipaset iti nasao nga aktibidad iti ili ti Galimuyod.

Iti pannaki-uman ti Bombo Radyo Vigan kenni Fr. Jack Reyes Cabatu ti Sacred Heart of Jesus Parish madama ti nadumaduma a panagsagana, pakairamanan ti pisikal, liturgical ken financial aspects tapno masigurado ti naannayas a pannakaangay ti selebrasion.

Karaman kadagiti panagsagana ket dagiti lugar ken pasilidad a mausar, misa ken dadduma pay a narelihiosuan nga aktibidad, kasta met dagiti kasapulan a gastos ken dadduma pay a panagsagana a mainaig iti panangawat kadagiti tumabuno a deboto ken bisita.

Maipalagip a ti selebrasion ni Cristo Ari ket napateg a selebrasion iti Iglesia Katolika a mangipaganetget iti panagturay ni Jesu-Kristo kas Ari ti sangalubongan.

-- ADVERTISEMENT --