
--Ads--
Inawat ni Sen. Francis Kiko Pangilinan ti maudi a bersion ti National Children’s Nutrition Act a panggepna ti mangipaay iti libre ken nasustansia a taraon kadagiti estudyante kadagiti pampubliko a pagadalan.
Saklawen ti gakat ti targeted feeding para kadagiti malnourished nga ubbing iti Grades 4 agingga 6 ken libre a school feeding para kadagiti estudyante manipud Kindergarten agingga Grade 3.
Mapalawa met ti supplemental feeding para kadagiti ubbing nga agtawen iti 2 agingga iti nababbaba ngem 5, bayat a maited ti fortified meals ken bitamina kadagiti masikog nga estudyante.
Indagadag ni Pangilinan iti Kongreso a makompleto dagiti nabati a proseso tapno maipaulog ti gakat a mangsukat iti Healthy Food for Filipino Children Act.
-- ADVERTISEMENT --










