--Ads--

Nagpirma da United States (US) President Donald Trump ken Thailand Prime Minister Anutin Charnvirakul iti joint trade statement maipapan iti panagtagilako bayat ti Association of Southeast Asian Nations (ASEAN) Summit sadiay Manila.

Inkari ti Thailand nga ikkatenda amin a taripa kadagiti tagilako ti US ken kissayan dagiti lapped iti iseserrek dagiti lugan a de-motor, medikal nga alikamen, agas, ethanol ken poultry products.

Segun ken ni Trump, gumatang met ti Thailand iti kanayonan a $2.6-B a produkto ti agrikultura manipud iti US, idinto a kinuna ni Anutin a malpas ti maudi a katulagan iti mabiit.

Ti katulagan ket manamnama a manglukat iti dalan para iti nalawlawa a relasion ti panagtagilako iti nagbaetan ti dua a pagilian kalpasan nga impataw ti Washington ti 12.5 a porsiento a taripa kadagiti importasion ti Thailand idi Hulio.

-- ADVERTISEMENT --