
Nagun-od ti Narvacan National Central High School (NNCHS) ti tallo a championship titles ken maikatlo a puesto iti International Robolution Dubai a naangay sadiay BITS Pilani Dubai Campus, United Arab Emirates.
Nangabak da Kyle Zedrick Adviento, Mark Lee Aquino ken Chazz Emmanuel Miguel iti Erobo Quiz Bee High School Category, idinto a nangabak met ni Miguel iti Emegasumo v1.5 competition.
Nagun-od da Adviento, Aquino ken Miguel ti maikatlo a puesto iti E-Soccerbot Student Category, idinto a ni Joanna Marie Ben ti nangabak iti E-Soccerbot Teacher Category.
Ipagpannakkel met ti NNCHS dagiti dadduma nga estudyante a nakagun-od iti puesto iti international competition kalpasan a nangabakda kadagiti regional competition ngem saanda a nakaatendar gapu iti isyu ti visa, pakairamanan da Lenard Claridad ken Pauline Ann Villanueva, agpada a Regional Champions iti Erobotsumo, ken Callejo, Regional Champion iti Emegasumo.
agtultuloy ti panangpaneknek ti NNCHS ti dayawna kas Home of the Champions, kalpasan a nagballigi iti sangalubongan nga entablado.










